Informació treta del blog d’en Jacme: http://jacmetolosa.spaces.live.com/blog/cns/
www.cadrescatalans.com
F Guiraud

17 septembre
Un libre novèl per ajudar occitans e catalans

Es sempre una jòia granda d’escriure sobre aqueste blòg un bilhet per donar una informacion de primièra man, per explicar qu’un libre es a man de sortir per ajudar los catalans a passar a l’occitan e los occitans a passar al catalan.

La lexicografia es un dels elements que dona la diferéncia entre aquestas doás lengas. La practica del catalan (ancian notament) e d’un occitan normatiu assegura ça que la unes ponts importants entre las doás lengas (les dues llengües).

Lo libre ajudarà las classas catalanas de passar a l’occitan, cal recordar que l’ensenhament al Principat de Catalonha se fa en lenga catalana, mas qu’aqueste ensenhament es d’un dinamisme lingüistic sense equivalent en Euròpa, l’occitan alara dintrarà naturalament dins aqueste sistèma, li cal d’aisinas per ajudar al trabalh dels regents catalans. I a un grnada volontat catalana de dintrar l’occitan dins aqueste sistèma educatiu; se i aviá la meteissa volontat en Occitània, l’expression « ensenhament per totes de la lenga occitana » fariá pas páur al sistèma educatiu francés installat en Occitània ; aquela expression sobre una novèla pedagogia en Occitània es ça que la una demanda del sindicat occitan de l’educacion.

Lo glossari aqueste es tanben una aisina editoriala de qualitat, tal que l’edicion catalana zo sap far; es cartonat, tal que lo mercat del libre occitan zo permet pas, e dins la mesura que los projèctes politics occitans fargavan simplament libre a lor dimension, e lo politic s’engatjava pas per ajudar a la melhoracion.

Prepausa aisina de lectura per l’occitan d’Aran e unas paginas redusidas per saber de la gramatica occitana.

Per l’emplec d’aqueste glossari, serà lo temps que farà son òbra, per saber s’es utile e practic; çò que pòdi assegurar es que lo Diccionari Balaguer/Pojada es essencial per me, farà aital doás aisinas de trabalh per un emplec digne de l’occitan.

EuroCongrès 2000 / fundació occitanocatalana es una associacion d’entitats catalanas per ajudar a la melhora integracion d’Occitània dins una pensada catalanista.

Veirem amb un carton de convidacion que la gramatica tanben a diferéncia entre occitan e catalan : us conviden / vos convídan.

Lo carton de convidacion es bilingüe : las lengas oficialas de las entitats organizatriças son presentas, occitan e catalan.

De mai, a Barcelona se dobrirà un cors oficial d’occitan…